DEBA - www.myspace.com/deba music

Debatik Dakaj, i njohur me pseudonimin Deba në fushën muzikore, i përket rrethit rinor më të suksesshëm të muzikës kosovare në diasporë. DEBA është më i kërkuari dhe më i preferuari në muzikën RnB. Ai konsiderohet si “Princi i RnB-së” në Gjermani duke arritur të ketë mbi 5 milion shikime në You Tube dhe me 2.5 milion luajtje në portalin muzikor Myspace.


Origjinaliteti, stili dhe talenti i tij e kanë bërë tashmë të njohur si yll të artit shqiptar dhe këngëtarin më tërheqës tek publiku kosovar. Vlera dhe kontributi i Debës paraqitet te mijëra fansa të gjeneratës së re që adhurojnë imazhin e Debën dhe ndjekin stilin e tij të modës. Deba është këngëtari i parë shqiptar që bashkëpunon me një ikonë të njohur internacionale si R-Kelly.

Me 23 Mars 2009 këngëtari Deba ka nxjerr remixin zyrtar të këngës “Work'n Out” në bashkëpunim me reperin DA-NI. Ky rikomponim është i prodhuar nga kosovari i talentuar Dj Holla dhe lëshohet nga REM Entertainment LLC, kompani me qendër në Çigaos, SHBA. Hiti original i DA-NIt me këngëtarin e shquar R. Kelly ka arritur top listat nëpër Evropë dhe SHBA. Fansat mund ta ndëgjojnë këngën tek faqa www.myspace.com/debamusic ku mund të lidhen direkt me artistin. Në një intervistë ekslusive me artistin, DEBA shpreh pasion të madh për muzikën dhe dashurinë për origjinën e tij shqiptare.

“Më vjen mirë që arrita një bashkëpunim të suksesshëm me këngëtarë të njohur si DA-NI dhe R. Kelly sepse nëpërmjet talentit dhe suksesit tim dua të përparoj famën e shqiptarëve dhe kosovarëve nëpër botë. Ashtu si juristja në 'American Idol', Kara DioGuardi, me origjinë italiano-shqiptare e cila ka deportuar në Amerikë, edhe unë nëpërmjet muzikës time, dua të theksoj imazhin e bukur dhe talentuar të artistit shqiptar. Kam përkrahje të madhe nga talente shqiptare si Dj Holla, i cili prodhoi për mua një kompozim origjinal fenomenal.”

Tributi i kulturës si një mesazh përfaqësues i Debës në zhanrin muzikor evulon nga një e kaluar që pasquron aktualitetin politik dhe social nëpër familjet kosovare. Për shkak të luftës në 1992 DEBA imigroi në Gjermani bashkë me familjen, duke lënë pas kujtimet e fëmijërisë. DEBA nëpërmjet muzikës së tij të le të kuptosh një karakter të veçantë që shpreh botën e tij artistike në përputhje me shumë prizme me realitetin e ri kosovar.

“Dua që me zërin tim identiteti artistik shqiptar të mbetet i përjetshëm në sallat botërore. Bota ime është me plot nostalgji për Kosovën, por sado larg që ndodhem, përkrahja e jashtëzakonshme e fansave të mi shqiptar nëpër botë, më afron më shumë me vendin tim. Me raste të veçanta si për ditën e flamurit, për festën e pavarsësisë dhe si përfaqësues i Kosovës kam marrë pjesë në koncerte dhe konkurse të ndryshme, ku kam fituar çmime. Momentalisht jam duke inçizuar dy albume në shqip dhe anglisht posaçërisht për fansat e mi.”

Albumet e reja përmbajnë hite si “Like Wooh” ft. KAS, “You Like It”, “You and Me” dhe “Why I let You Go” si dhe këngë të reja që shfaqin zërin e fuqishëm të artistit dhe shumëllojshmëri te stileve muzikore, duke përfshirë RnB, Pop, Rap dhe Tekno. Sipas Debës, brenda albumeve gjenden këngë te realizuara me yje shqiptare dhe te huaja, që pa dyshim do mirëpriten nga publiku dhe do jenë në top lista. Deba premton se ai ka një surprizë për fansat e tij me një video klip, të cilin pret ta realizojë këtë verë. Gjithashtu planifikon të lançojë së shpejti faqen e tij zyrtare www.debamusic.com Në të ardhme Deba dëshiron të merret me modë dhe me TV entertainment.