DEBA - www.myspace.com/deba music

1. Biografia: DEBA

Këngëtari i zhanrit R&B, që shkruan vetë tekstin e këngëve njihet si DEBA në fushën e muzikës. Lindur në Prishtinë me 31 Janar 1989 me emrin Debatik Dakaj. Tani ai ndjek studimet për ekonomik si dhe pasionin e tij, muzikën, në Gjermani ku jeton bashkë me familjen që nga viti 1992.

Deba ndjehet krenar për origjinën e tij kosovare dhe e vlerëson shumë kulturën shqipëtare. Me muzikën e tij, ai ka influencuar të rinjtë, të cilët e adhurojnë për stilin e tij original. Si kosovar Deba dëshiron të avancojë famën e shqipëtarëve nëpër botë.

Deba është i talentuar nga shumë aspekte. Ai zotëron një zë të fuqishëm që i jep kualitet të shkëlqyr si këngëtar, duke kënduar këngë të zhanrit Hip-Hop dhe R&B. Ai ka arritur të ketë një rrjet të zgjeruar të fansave nëpër botë duke kënduar në tre gjuhë: shqip, anglisht dhe gjermanisht.

Në 2007 Deba nxorri singlin "Like Wooh" në bashkëpunim me KAS (Kastriot Preteni), që ka arritur në top charts në Germany dhe SHBA. Në 2008 Deba pret të përfundojë albumin e tij të parë solo, një video klip si dhe dëshiron te merret me modë dhe me TV entertainment në të ardhme.



2. Çfarë ju shtyri që të hyni në botën e këngës?

Deba: Që nga fëmijëria kam kënduar midis shokëve dhe familjes, të cilët më inkurajonin t'i dedikohem muzikës profesionalisht. Këndoj thjesht për momente që ndodhin në jetën e një të riu dhe dëshiroj që publiku të ndjehet i gëzuar dhe të reagojë kur ndëgjon muzikën time.


3. Keni pasur vështirësi për të depërtuar?

Deba: Fillimi është gjithmonë i vështirë, sidomos për një talent të ri. Por suksesi im deportoi menjëherë në Gjermani dhe nëpër botë nëpërmjet internetit. Mendoj se ky është vetëm fillimi për mua. Dua që të krijoj të njëjtin sensacion nëpërmjet televizionit gjithashtu.

4. Cila ka qenë kënga që të hapi dyert e suksesit?

Deba: Kënga “Like Wooh” ishte hiti i parë, me 250,000 shkarkime në internet. Teksti është i lehtë për t'u ndjekur, refreni shumë ritmik...është këngë e verës si edhe këngë për kërcim. E kam shkruar vetë tekstin dhe ndjehem mirë me suksesin e këngës.

5. Jeni në realizim të albumit, na flisni diçka për këtë projekt?

Deba: Jam duke përfunduar albumin tim të parë solo me producentë të shkëlqyer nga shtete të ndryshme të botës. Do jetë një album fenomenal sepse ka diçka për çdo fans timin, me këngë në shqip, anglisht dhe gjermanisht. Shpresoj se publiku do mbetet i kënaqur.

6. Kush janë bashkëpunëtorët tuaj të këngës?

Deba: Kjo është sekrete...jam duke punuar me artistë të talentuar internacional për albumin tim. Mund t'ju them që jam duke punuar me një nga këngëtarët më të njohura në Kosovë dhe Shqipëri...por kjo është surprizë për publikun.

7. Sa jeni i privilegjuar nga rrethi ku jetoni?

Deba: Ndjehem shumë i priviligjuar nga respekti dhe dashuria e shoqërisë si dhe nga mirëpritja e fansave në qytetin tim. Momenti im më i gëzuar është kur shkoj për shopping dhe fansat më këndojë këngët e mija; ose kur hyj në klub, DJ luaj këngët e mija.

8. Cili është dallimi i këngës në Kosovë dhe asaj në Gjermani?

Deba: Kosovarët vendas dhe ato në Gjermani kanë paksa ndryshime nëse bëhet fjalë për shijen te lloji i muzikës. Përshembull, gjenerata e re në Kosovë ndëgjon muzikë popullore, folkorike midis të tjerave. Ndërsa në Gjermani të rinjtë preferojnë më shumë zhanrin R&B dhe muzikë mikse të huaj.

10. Cili është suksesi më i madh që e keni arritur deri më tani?

Deba: Suksesi për mu është kur një person e ndëgjon këngën time dhe ndjehet i gëzuar. Dua që që këngët e mia t'ia heqi mërzinë dhe stresin njeriut dhe me të vërtetë të ndjejë muzikën.
Ndjehem mirë që muzika ime ndëgjohet nëpër botë. Vetëm në MYSPACE ku kam profilin tim si artist ka mbi 1.5 milion vizita dhe ndëgjime. Këngët e mia të fundit mund t'i ndëgjoni në adresën <www.myspace.com/debamusic>

11. Me cilat vështirësi ballafaqoheni më shumë në profesionin tuaj?

Deba: Fakti që jam i huaj dhe këndoj këngë anglisht ka shumë vështirësi. Nuk është e lehtë të këndosh në gjuhë të huaj dhe të jesh i sukseshëm. Gjithashtu, kur bëj një këngë te re, dua që të jetë perfekte. Dhe nëse nuk më pëlqen një pjesë, filloj një këngë tjetër nga e para.

12. Bashkëpunoni me ndonjë këngëtarë kosovarë?

Deba: Siç thashë edhe më parë, për momentin jam duke bashkëpunuar me nje talente të shquar shqipëtare, por nuk dua ta zbuloj sekretin para kohe. Ndërsa singling “Like Wooh”
e kam bërë në bashkëpunim me Kastriot Preteni, reper i talentuar nga Kosova, i cili jeton në Norvegji dhe njihet me pseudonimin KAS. Kam pasur shumë oferta si nga shqipëtarë dhe të huaj, dhe me pëlqen kur shqipëtarët ecin përpara në botë. Ndjehem krenar që përfaqësoj Kosovën nëpërmjet muzikës në një vend të huaj.

13. Përveç këngës me ç'farë merreni?

Deba: Muzika është pasioni i jetës time. Më pëlqen të shkruaj texte, ndëgjoj beata, dhe bëj atë që dua më shumë – muzikë! Njëkohësisht vazhdoj shkollën për ekonomik në Gjermani.

14. Si e kaloni kohën e lirë?

Deba: Përveç muzikës dhe artit lexoj romane të ndryshme, vizitoj fitnese të ndryshme kur kam kohe të lirë që ta mbaj trupin sa më vital. Kur kam kohë të lirë dal me shoqëri, shëtitim si çdo i ri që del të dëfrehet me shoqërinë e tij.

15. Merreni me ndonjë aktivitet të lirë sportiv?

Deba: Kur jam i lirë luaj futboll me shokët. Ose merrem me aerobikë sepse dua të jem në formë.

16. Jeni i dashuruar?

Deba: Po jam i dashuruar në muzikën Kjo është një dashuri që nuk të trathton edhe të rrin besnike përgjithmonë.

17. Çfarë të pëlqen te një vajzë?

Deba: Si për imazh më pëlqen buzëqeshja, buzët dhe sytë. Si për karakter më pëlqen një vajzë me humor, e zgjuar dhe e embël.

18. Dëshironi që e zgjedhura juaj të jetë fytyrë publike?

Deba: Është vështirë të kesh të dashur kur je në biznesin e muzikës sepse artisti është shumë i zënë, udhëton shpesh nëpër turne dhe koncerte, si dhe vajzat janë pak xheloze nga fansat që janë femra. Qëndrimi im ndaj të dashurës do jetë gjithmonë i respektueshëm, i sjellshëm dhe me dashuri, pavarësisht nga suksesi që arrij në karrierën time. Është ideale kur njeriu gjen dashurinë e zemrës si dhe respektin si artist, dhe ndërthurja e dy botave e forcon njeriun për t'u angazhuar më mirë në aktivitet e përditshme të jetës.

19. Cilat janë planet tuaja për të ardhmen?

Deba: Pasi të përfundoj albumin, mendoj që po këtë vit, në 2008 të realizoj video klipin tim të parë. Gjithashtu jam duke lançuar faqen time zyrtare të internetit <www.debamusic.com>. Këtë verë jam në Kosovë duke visituar familjen dhe të afërmit e mi. Pushimet verore dua t'ia kushtoj famijles si dhe vetes.