DEBA - www.myspace.com/deba music

Deba është këngëtar që shkruan vetë tekset e këngëve. Ka lindur në Prishtinë me 31 Janar 1989, me emrin Debatik Dakaj. Shoqëria e thërret shkurt DEBA, ku lindi dhe pseudonimi artistik. Në vitin 1992, për shkak të luftës në Kosovë, Deba dhe familja e tij imigruan në Gjermani, ku ai vazhdon sot studimet për ekonomik dhe ndjek pasionin e tij, muzikën.

Me muzikën e tij, Deba ka influencuar me mijëra të rinj nëpër botë, të cilët e adhurojnë jo vetëm për zërin fenomenal, por edhe për trendin e tij të veçantë, me veshje moderne dhe simpati që tërheq femrat. Ndersa meshkujt ndjekin stilin e flokëve dhe modën e tij me gusto. Deba percjell nje imazh te ri jo vetem te stili RnB i muzikes, por edhe te stili i jetes se perditshme. Deba e vlereson shume origjinen e tij shqiptare dhe ndjen teper krenari per atdheun. Ne konkurimet dhe shfaqjet e talentit qe merr pjese, Deba synon te arrije rezultatet te shkelqyera qe te perfaqsoje lart shqiptaret.

Publiku i Gjermanise e zbuloi Debën që në moshën 14 vjeçare në një Casting Show në qytetin e tij ku ai u zgjodh ndër 20 këngëtarët më të mirë nga 500 pjesëmarrësit e konkursit. Në maj 2007 Deba mori pjesë me 1000 artistë të tjerë te konkursi i famshëm i Gjermanisë i quajtur "Music Nation" ku fituesi merr një kontratë me shtëpinë e njohur të muzikës, Universal Music. Deba ishte i dyti në konkurs dhe shprehet se ky vend ishte një sukses i madh sidomos për një këngëtar fillestar shqiptar. Ndërsa verën e 2007 Debën e ftuan të
marrë pjesë tek Benefiz Koncert, koncerti kundra varfërisë në Kosovë, që u zhvillua në Skënderaj me 11 gusht. Organizuar nga Mc Buya (Bujar Hasani) me Drenicaz Lyrical Soldiers (DLS) dhe RSP, koncerti doli me sukses, mbi 3000 veta present. Singli i parë “Like Wooh” e ktheu Debën në një sensacion brënda nate në Gjermani dhe SHBA. Kjo këngë është realizuar në bashkëpunim me reperin e talentuar kosovar KAS (Kastriot Preteni), i cili jeton në Norvegji. Kënga ka arritur një sukses të madh në YouTube dhe është shkarkuar mbi 250,000 herë në internet. Brenda një viti, Deba u bë i njohur kudo nëpër botë. Në portalin muzikor MySpace, Deba ka profilin më të vizituar në Gjermani, mbi 1.5 milion vizitorë dhe mbi 2 milion luajtje të këngëve. Ndërsa në portalin Netlog, Deba ka mbi 11,000 persona në listën e shoqërisë dhe mbi 130,000 vizitorë. Netlog është komuniteti social më i madh në Europë, si Facebook në SHBA, ku artisti ka mundësi të krijojë shoqëri virtuale në internet me fansat. Deba ka tërhequr vëmendjen e fansave dhe artistëve duke kënduar në anglisht me muzikë të stilit RnB, Hip Hop, Pop dhe Oriental Mix.


Për 2008-ën Deba po përgatitet tëpërfundojë albumin e tij të parë solo, të lancojë faqen zyrtare të internetit www.debamusic.com si dhe prodhojë një videoklip. Në albumin e ri Deba po bash këpunon me producentët Dj Holla, DuJin -Sofine Production TeeAge Beats. Gjithashtu Deba planifikon të zhvillojë turneun e tij të parë në Gjermani në 2009 nën drejtimin e manaxherit John Goci, i cili organizoi me sukses këtë verë turneun e Genta Ismajli në SHBA dhe Kanada. Në të ardhme Deba dëshiron të prezantojë stilin e vet të rrobave dhe të ketë programin e tij televiziv. Këngë tari shprehet me gjithë krenari se si shqiptar është i lumtur që ka arritur këtë sukses sot dhe i dedikohet ideve të tij me ambicje, përkushtim dhe përzemërsi.

Për gazetën "PrishtinaPress", Deba shpreh mirënjohje të madhe për fansat, sidomos për përkrahësit në fillim të karrierës së tij. "Kam shumë dashamirës që më rrinë afër dhe më japin vashdimisht përkrahje. Së pari është motra ime Ermira, familja ime e mrekullueshme si dhe menaxheri im shumë i aftë, z. John Goci në SHBA. Producentët me të cilët punoj shpesh janë: Dj Holla nga Gjermania, DuJin -
Sofine Production, nga Zvicra dhe producentë të ndryshëm nga e gjithë bota. Për gardarobën dhe imazhin tim përkujdeset tezja ime e përsosur Bedrie Maraj.
Shpreh mirënjohjen time ndaj dy fansave të mi të preferuara – Albulenën në Gjermani dhe Dorentina në Norvegji. I përshëndes të gjithë fansat e mi për përkrahjen që më kanë dhënë deri tani dhe për besnikërinë e tyre që nuk më kanë tradhtuar asnjëherë".

E.B.